Како што наведува Сојузот на пчеларски организации на Србија, фирмата АЗА ДОО од Стар Лединац направила увоз од 40 тони цветен мед од Молдавија, по цена од 2,2 евра по килограм а наскоро увозот ќе продолжуви со нов контингент.
Како што дознава Сојузот на пчеларски организации на Србија (SPOS) на крајот на април во Србија е увезена првата количина на мед. До сега во Србија се увезувани симболични количини на мед, а главно тоа биле поединечни случаеви од ексклузивни локации и држави. Меѓутоа, веднаш штом започна правиот увоз на мед, тоа се објави на нивниот сајт.
Систематска борба против фалсификатите
Како што се наведува понатаму, од 2009 година SPOS предупредува дека, мора да се направи домашен бренд на мед за да можат да се спротистават на поевтините медови кога ќе почнат да се увезуваат во некој погоден момент за увозниците.
– „ Исто така предупредувавме дека, посериозна систематска борба против фалсифиактите на крај ќе доведе до увоз на мед со сомнителен квалитет ( но и прав мед ) по нереално ниски цени. Затоа пчеларите на Србија мораат да се држат заедно и самостојно да ги решаваат своите проблеми за да се заштитат од вакви легитимни и легални обиди на приватниот капитал, кој нас не ни одговара и мораме да се бориме против таквите појави“.
Увозени 43 тони мед во 2018 година?
Како што истражуваат Новости, во Србија со пчеларство се занимаваат околу 30.000 домаќинства, но официјално регистрирани се 15.000 пчелари. Во стационарните и селидбените пчеларства ширум земјата има помеѓу 850.000 и 1.000.000 кошници. Производството на мед во Србија варира од 6.000 до 9.500 тони годишно и тоа , багремов и сонгогледов мед сочинуваат третина од вкупното производство, една третина сите други видови мед.
Статистиката вели дека во Србија 2018 година се произведени околу 9.000 тони мед, а извезени се 2.774 тони во вредност од 12,4 милиони долари. Увезени се 43 тони мед за што се потрошени 266.000 евра. Цената на медот во ЕУ варира од година во година и се движи од 5 до 7 евра за килограм багремов мед и 4 до 4,5 евра за килограм ливадски мед.
Да потсетиме дека според Европското здружение на земјоделци “Copa-Cogeca” значајна е разликата во цената помеѓу цената на медот во Кина и во Европа. Дополнителните истражувања ги потврдија сомневањата дека Кинезите мешаат шеќерен сируп во извозниот мед а тоа е невозможно да се открие при увозот, кога се увезува пакован производ.
Етијен Бруно од работната група која во ова здружение се занимава со пчеларство за Дојче Веле изјави дека поголемиот увоз на евтин украински мед предизвикува сомнеж дека во Украина тој производ се меша со шеќерен сируп.
Извор: Агроклуб.рс
