За да може живината да ги издржи зимските месеци кои ни доаѓаат, треба добро да се подготви. Пред сѐ, тука се мисли на исхраната, која мора да се зајакне.
Првата неопходна ставка е водата, која треба да им биде достапна на животните во текот на денот. Не треба да биде премногу студена, па во случај температурата во просторијата да се намали, треба да се менува неколку пати за да биде млака, што значително придонесува за здравјето.
Да се зголеми зрнестата храна
Кога станува збор за храната, треба да се збогатат житарките кои живината вообичаено ги консумира. Покрај сончогледот, маслодајната репка, тритикале, гранулите, пченицата, и пченката е многу важна.
„Важно е пропорционално со другите житарки во најголема мера да биде присутна пченката, приближно 70 отсто, а 30 отсто е остатокот. На кокошките треба да им се дава зрнеста храна што ги грее, а пченката во зрно има таков ефект, посочува претседателот на Државната асоцијација на живинари, Радомир Ериќ.
Кога ќе се појават мразови, покрај појака храна, преку водата треба да се додадат и витамини, напоменува Ериќ.
„Ние не ја зголемуваме количината, цела живина добива оброк, даваме по 120 грама дневно, треба да се хранат еднаш дневно. Свеж сончоглед, морам да напоменам, не е добар да се дава, а пченицата може да предизвика дијареа, затоа не треба да се претерува со неа“.
Хигиената е многу важна и треба да се зајакне особено пред зимата, да се чистат кафезите, во аглите да се фрла ситен песок, што помага живината побрзо да ја вари храната. Некои од советите се да се стави пилевина на подот од објектот, бидејќи го намалува студот и прави добра изолација.
Извор: agroklub.rs
