Невозможно е да се замисли зеленчукова градина без домати . Доматите се растенија кои не бараат многу специфични услови за одгледување, но за да имате добар род потребно е да знаете како да се грижите за нив во текот на вегетацијата.
Една од активностите која ќе ни помогне во тоа е отстранување на долните листови, односно листовите под првата цветна гранка. Низ развојот, се создава голема лисна маса која троши вода и хранливи материи од земјиштето. Поради тоа американските градинари многу често се сретнуваат со појавата да имаат големо растение на кое има малку плодови или тие се ситни.
Во текот на растењето, долните листови паѓаат на површината на земјата. Покрај постојаниот контакт со почвата долго остануваат влажни и доаѓа до појава на нивно пожолтување и пропаѓање. Освен тоа, спречуваат циркулација на воздухот во долните слоеви на растението. Тоа го забавува сушењето на лисната површина и површината на земјата после дождот или наводнувањето и создава поволни услови за развој на многу заболувања. Симптоми на пламеница, дамкавост или пепелница најчесто се јавуват на овие листови.
Кога да се отстрануваат долните лисја?
Отстранувањето не се врши на растенијата кои штотуку се пресадени. Доколку ги отстранете долните листови на штотуку пресадените растенија тие би можеле да престанат да растат или нивниот развој ќе биде забавен. Листовите се отстрануваат дури кога растенијата добро ќе се вкоренат и прифатат.
На расадот на доматите во градна или во пластениците потребно е да се реагира кога ќе се појави жолтило. Ваквите симптоми ни укажуваат дека има премногу влага, лоша циркулација на воздух, слабо снабдување на почвата со хранливи состојки, неправилна грижа за растенијата, дека дошло до промена на временските услови, на нив се покажуваат првите знаци на појава на разни болести која се шири и го зафаќа целото ратсение. Поради тоа потребно е да се отстранат.
Листовите кои се сушат, жолтеат и на нив забележиме симптоми на заболувања или легла на јајца од инсекти и гасеници, потребно е да се отстранат без оглед на тоа каде се наоѓаат на растението. Природна појава е да се исфрлаат старите и оштетени лисја кои почнуваат да се сушат и се подложни на напад на болести.
Отстранување на лисјата под првата цветна гранка
Некои сорти создаваат поголеми лисја кои погусто се групирани. Вентилацијата кај нив е забавена и треба да се помогне на растението, односно вишокот лисја да се отстранат. Најчесто се отстранува она од северната страна. Тоа ќе ја подобри циркулацијата и ќе го забрза испарувањето на капките джд од лисната површина. Исто така се намалува ризикот од појава на бактериски заболувања и од губиток на вода и хранливи материи за одржување на овие лисја. Растението хранливите состојки ги насочува кон плодовите.
Не треба да се отстрануваат ни сите долни лисја одеднаш туку тоа се прави во интервали и се следи појавата на било какви промени на нив. Се отстрануваат два до три долни листови во текот на една недела. Ваквото темпо нема да создаде стрес кај растението.
Некои сорти на домати се почувствителни на отстранувањето на лисните гранки под првата цветна гранка. Доколку побрзаме и прерано ја отстраниме може да дојде до негативни реакции кои ќе се одразат на намален број формирани цветни пупки – цветови или нивното формирање во целост да застане. Поради тоа со отстранување на лисните гранки под цветот на доматот треба да се почека кога ќе се формираат малечки плодови.
Долните листови се отстрануваат нежно од растението за да не се создадат големи рани кои би биле влез за многу предизвикувачи на растителни болести и штетници. Се работи наутро кога е суво и сончево. Во текот на денот раните на стеблото од откинатиот лист ќе се исушат и побрзо ќе зараснат.
Извор : Агроклуб.ба
