Робот кој ќе ја превземи улогата на овчар и наместо луѓето ќе ја изведува стоката на пасење, најпрво на српските пасишта , а потоа и на други места во светот е дело на нишлијата Душан Крстиќ.
Иако станува збор за модерно технолошко достигнување Крстиќ овој робот – овчар го измислил со цел да се врати на стариот начин на одгледување на стока.
„Во Србија и во светот нема доволно овчари, а со оглед на тоа дека е зголемена побарувачката на месо и млечни производи и условите на кои се изложени животните, не постои нешто што ни е понеоходно од робот кој би ја чувал стоката“ вели Крстиќ за ББС.
Тој смета декоа со затворањето на животните во штали, тие станаа неподвижни и троми , склони кон дебелење и болести и се хранат со храна која доколку би паселе трева, не би ја јаделе.
„Стоката мора да се носи на пасење, како поради здравјето на животните, така и поради квалитетот на производите кои ги даваат кое пак од друга страна влијае на здравјето на луѓето кои таа храна ја консумираат.“ – објаснува Крстиќ околу мотивите кои го инспирирале да направи прототип на робот-овчар.
Според неговото објаснување, роботот е замислен така да може да ја доведе стоката до пасиштето и тоа на точно одредена ливада, да ја чува стоката од грабливци, да води сметка животните да не залутаат, да ги тргне под сенка кога ќе има потреба од тоа и да го врати стадото назад во закажаното време.
Според неговите зборови , веќе од јуни би требало да биде готов првиот прототип, а до следната година да се направи евалуација на роботот-овчар.
Извор:Агромедиа
