Вкупно 15 пожари на отворен простор се регистрирани до 12:30 часот денеска. Од нив девет се активни, а шест се ставени под контрола, информира Центарот за управување со кризи (ЦУК).
Активни се пожарите во Општина Василево, Радовиш и Берово: с. Нивичино, планината Голем Готен и Малешевските Планини (нискостеблеста шума, смрека, грмушки и ниска вегетација), Општина Прилеп: с. Бешиште, м.в. Бешишки Рид, краци кон с. Градешница (опш. Новаци) и кон границата со Р. Грција (мешана шума) – интервенција не се изведува поради детонации, Општина Прилеп и Кавадарци: помеѓу селата Царевиќ, Смолани, Радобил и Дрен (опш. Прилеп), и Галиште и Трстеник (опш. Кавадарци) (мешана шума и нискостеблеста вегетација), Општина Македонски Брод: помеѓу селата Црешево, Локвица и Крапа (деградирана дабова шума, грмушки и ниска вегетација), Општина Желино: помеѓу селата Церово и Групчин (нискостеблеста и деградирана шума), Општина Крива Паланка: с. Нерав (висока борова шума), Општина Македонска Каменица: с. Ќосевица (борова шума), Општина Илинден: помеѓу Мршевци и Бучинци (стрниште) и Општина Чашка: с. Ореше (ниска вегетација и букова шума).
Под контрола се пожарите во Општина Старо Нагоричане и Куманово: с. Облавце, с. Бељаковце, с. Довезенце, Орах и Руѓинце – пожарот се шири кон с. Димонце и с. Коњух (опш. Кратово), каде постои закана по куќи и помошни објекти (ниска вегетација), Општина Македонски Брод: с. Грешница (мешана шума и сува трева), Општина Штип: помеѓу селата Драгоево и Селце (нискостеблеста шума, прнар и сува трева), Општина Карбинци: с. Јунузлија (шума), Општина Кичево: с. Горно Црско (ниска вегетација и ниска шума) и Општина Петровец: Катланово – с. Чифлик (ниска вегетација, грмушки и дабова шума).
МИА
