Колку пензионери ќе добијат а колку ќе изгубат доколку се промени начинот на пресметка на растот на пензии. Анализата на Телевизија 24 вели дека во случај законот за пресметка на пензиите се измени, односно пензиите да растат линеарно, наместо сегашниот модел кој предвидува зголемување на пензиите според растот на инфлацијата и просечната плата, во тој случај најавеното зголемување на пензиите од 1000 денари ќе биде од корист само за 25 818 пензионери, или за само 7,5 отсто од вклупниот број.
Но и за нив ова зголемување не е ништо повеќе од она што би им следувало по моменталната формула, или помалку од сто денари. Сите останати речиси 320 илјади пензионери со актуелната пресметка треба да добијат повеќе од 1000 денари колку што предвидува линеарното зголемување.
Потврда на нашите пресметки даде и универзитетскиот професор Ванчо Узунов кој смета дека промената на пресметката може да доведе до рушење на самиот пензиски систем кој со децении се градел и развивал. Дополнително, професорот вели ваквиот потег е во функција на изборите.
Ванчо Узунов универзитетски професор
„Суштината на ова, кој колку би добил од линеарно или не линеарно зошто не го објасни владата сама? Зошто не влезе во тоа објаснување? Нема да влезе бидејки самата вели – линеарно, затоа што линеарно полесно се продава.Ќе биде оштетен корпус на пензионери, но добар дел од пензионерите ќе мислат дека владата постапила праведно, тука е логиката и друга логиока нема.“
Официјалните податоци велат дека во земјава има речиси 345 илјади пензионери, од нив најголем процент добиваат месечна пензија која се движи од 18 до 22 илјади денари, или 35,7 отсто. Што се однесува до највисоката пензија која надминува 62 500 денари, таа ја добиваат помалку од еден отсто од пензионерите.
Податоците од ПИОМ откривата дека речиси идентичен број на пензионери ги добиваат најниската пензиоја која изнесува до 18 илјади денари и онаа која се движи од близу 44 до 62 500 денари.
Пред неколку дена власта најави дека размислува за двојно линеарно зголемување на пензиите по 1.000 денари, првото оваа есен, а второто напролет, како дел од планот на Владата пред локалните избори.
Извор – 24ТВ
