Министерството за земјоделство со новиот Закон за земјоделство и рурален развој врши услогласување со последната ЕУ легислатива во делот на земјоделската политика.
Дополнително се регулираат и мерки кои ќе ги поттикнат младите да се вратат на село. За таа цел државата нуди поддршка до 100.000 евра за оние кои ќе се одлучат да живеат во рурални средини и да се занимаваат со земјоделска дејност.
Поддршката за враќање на млади брачни парови и живот во руралните средини
Член 138
(1) Поддршката за враќање на млади брачни парови и живот од урбани во рурални средини се доделува преку поддршка наменета за инвестиции во руралните средини, купување, изградба или реконструкција на објекти, купување на земјоделска механизација, земјоделско земјиште и набавка на добиток.
(2) Корисници на поддршката од став (1) на овој член се брачни другари не постари од 40 години возраст.
(3) Финансиската поддршка од став (1) на овој член изнесува 80% од вредноста на прифатливи и направени трошоци, најмногу до 6.000.000 денари по брачен пар.
(4) Периодот на користење на поддршката од став (3) на овој член е проектен циклус во траење од 3 последователни години.
(5) Поддршката од став (1) на овој член се реализира преку одобрен деловен план од страна на Агенцијата.
(6) Корисниците на поддршката од став (1) на овој член треба да се занимаават со земјоделска дејност и да живеат во руралната средина во рамки на семејното земјоделско стопанство во наредните 10 години, во спротивно доделената поддршка од став (3) на овој член се враќа во целосен износ.
МЗШВ ве повикува да го разгледате новиот закон на ЕНЕР и да дадете ваш коментар.
https://ener.gov.mk//Default.aspx?item=pub_regulation&subitem=view_reg_detail&itemid=110421
