Во изминатата седмица имавме променливо облачно со сончеви периоди и со пораст на дневната температура. Иако оваа релативно топло време за овој период од годината може да предизвика предвремен активен развој на растенијата, сепак се уште не преставува опасност од предвремено потерување на вегетацијата. Ваквите временски услови се уште се во границите на издржливост во услови на презимување. Периодите на затоплување се честа и неповолна појава за земјоделските култури во зимски услови. Генерално можат да бидат со пократки или подолги временски периоди.
Денес ќе има локални врнежи од дожд, особено во јужните делови каде повремено ќе бидат поројни проследени со ретки грмежи. Во петок и сабота времето ќе биде стабилно, а во недела попладне, во текот на ноќта кон понеделник и во понеделник претпладне се очекуваат врнежи од дожд, а на планините од снег. Во понеделник ќе дува умерен до засилен северен ветер, кој ќе предизвика опаѓање на температурата.
Врнежите од дожд ќе допринесат за зголемување на влагата во почвата, со што се обезбедува добра залиха на влага за успешно навлегување на посевите во период на пролетен развој. Доколку почвените услови тоа го дозволуваат земјоделските производители може да почнат или продолжат со активностите и грижата за нивните посеви и изведување на работи во поле. Да се преземат превентивни мерки за зацврстување на пластениците и другите конструкции, да се расчистат одводните канали за полесно одлевање на површинските води и заштита од нив.
Минималната температура ќе се движи во интервал од -7°C до 7°C а, максималната температура ќе се движи во интервал од 1°C до 15°C.
