Една од поважните мерки во овошните насади која има за цел подготовка на растението за следната година е фолијарната прихрана на овошките, која се применува сè до почетокот на зимското мирување. Во текот на вегетацијата, поради растот и развојот на плодовите, лисната и дрвенеста маса, се намалува значителна количина на макро и микро елементи во почвата.
Поради тоа, потребно е на растенијата да им се обезбедат достапни макро и микро елементи кои брзо ќе ги усвојат и ќе ги складираат во своите органи за наредната вегетација. Пред опаѓањето на лисјата, овошката ги повлекува сите хранливи материи во своите дрвенести органи и кореновиот систем.
Пред да започне повлекувањето на соковите во растението, потребно е да се направи едно фолијарно ѓубрење. Со ова есенско третирање после берба, се зголемува потенцијалот на растението, а со тоа количината и квалитетот на приносот за следната година. Се препорачува примена на ѓубрива кои содржат азот, фосфор, калиум, цинк и бор.
Пред да започне повлекувањето на соковите во растението, потребно е да се направи едно фолијарно ѓубрење. Со ова есенско третирање после берба, се зголемува потенцијалот на растението, а со тоа количината и квалитетот на приносот за следната година. Се препорачува примена на ѓубрива кои содржат азот, фосфор, калиум, цинк и бор.
Исто така, неопходно е есенско прскање на овошките со бакарни фунгициди. Бакарот влијае за подобро одрвенување на ластарите и го подготвува растението за влез во зимскиот период. Најголема ефикасност ќе се постигне со две третирања наречени уште и ,,есенски” третирања.
Првото третирање најдобро би било да се направи кога ќе опаднат 30-40 % од лисјата, а второто кога ќе паднат 70-80 % од лисјата.
Меѓутоа, во пракса, овоштарите најчесто прават едно есенско третирање и тоа кога ќе падне 6070 % од лисната маса. Ова може да биде економична и добра практика кога лисјата ќе паднат за релативно кратко време, но проблем може да се јави кога периодот на паѓање на лисјата трае подолг временски период и кога есента е топла и со поголеми количини на дожд.
За чувствителните овошни видови периодот од првиот паднат лист до 70 % падната лисна маса е многу долг период без заштита, бидејќи првата рана настаната со паѓањето на листовите претставува влезно место за патогени и бактерии, па затоа во вакви случаеви се препорачува, односно се неопходни две третирања со бакарни препарати.
Дипломиран инж. агроном Зорица Јанкуловска Мицковска
АПРЗ
