Тајната на успешната подготовка на кисела зелка е во тоа што количината на сол не се врзува со количината на зелка, туку со количината на вода што се истура врз неа. Еден килограм сол оди на 30 килограми зелка.
Состојки:
-30 кг зелка
-еден килограм сол
-подебела памучна ткаенина
-камен или тегла за поклопување
Подготовка:
Измијте ја зелката и наредете ја во буриња. Исечете неколку главици зелка на четвртини и половини и ставете ги меѓу целите зелки, за да се заглават, односно цврсто да стојат.
Истурете вода два прста над зелката. Ставете над зелката дрвена или пластична преса. Над пресата ставете камен или тегла полна со вода. Раширете ја крпата и ставете ја потребната количина сол, завиткајте ја и ставете ја покрај каменот. Солта полека ќе се раствори и ќе падне на дното.
Затворете го бурето и периодично контролирајте ја количината на вода неколку дена. Додавајте вода по потреба, така што главиците на зелката да не бидат надвор од водата. Притоа плакнете го каменот, а ако користите тегла, задолжително измијте ја однадвор.
