Пчеларите од подрачјето на Општина Делчево и пошироко денеска ќе имаат можност да се запознаат со начините на производство и одгледување матици. Активноста ќе се реализира во рамки на предавањето кое го организира Здружението „Пијанечка Пчела 2″ од Делчево.
-Здружението на пчелари „Пијанечка пчела 2″ денеска организира предавање на тема „Производство и одгледување на матици”. Предавањето ќе се одржи во Конгресната сала на гимназијата со почеток во 17:00 часот. Ги покануваме сите пчелари да присуствуваат и да ги збогатат своите знаења од областа на пчеларството, информира Јованчо Медарски, претседател на здружението.
Предавач на темата ќе биде искусниот пчелар Предраг Миленковиќ од Република Србија.
-Се работи за реномиран пчелар и автор на повеќе дела од областа на пчеларството. Тој повеќе пати има доаѓано во овој крај и има пренесено значајни искуства од неговата област, додаде Медарски.
За членовите на здружението кои ја платиле чланарината за 2023 година влезот за вечерашниот настан ќе биде бесплатен.
МИА
