Пред нас е период на купување овошни садници кој ни одблиску не е едноставна работа. Отсекогаш имало несовесни продавачи, а најдобро е да се купуваат од расадници.
Во купување одете со список
Невозможно е да се избегне понекогаш да се разочарате од она што на крајот ќе го добиете, дури и кога внимавате. Не одете да купувате без список со точниот број на садници и името на сортата.
Пред тоа, распрашајте се за карактеристиките на сортата, времето на цветање, опрашувањето, времето на зреење, намената и можноста за чување на плодовите, отпорноста на болести и штетници.
Пет работи на кои треба да внимавате
Обрнете посебно внимание на садниците. Не е исто кога садите едногодишни или двегодишни садници. Избегнувајте да купувате постари. Помладите садници, стари една до две години, подобро се вкоренуваат.
Изберете ги оние од кои паднале лисјата. Присуството на лисја покажува дека дрвото не ги завршило процесите и дека лесно може да угине, или да измрзне.
Внимавајте дали подлогата е диво растение или вегетативно. За аматерски овоштарници каде што ќе одгледувате садници без арматура и со помала заштита, изберете див расад или побуен вид. Ваквите подлоги развиваат посилен корен кој продира подлабоко во земјата, поотпорни се на суша и се навалуваат под налети на ветер.
Проверете го коренот, кореновиот врат и местото на калемење. Садниците можат да бидат со голи корени, во најлонски кеси и садови. Најевтини се оние со гол корен. Ако се во вреќа или саксии и лесно се извлекуваат од подлогата кога ги влечете нагоре, тоа е знак дека голите садници се ставени неодамна се со цел да се продадат по повисока цена. Спојното место треба да биде добро зарасното, цврсто, без дополнително ткиво, смола или пукнатини.
Проверете го расадот дали во него се присутни симптоми на инфекција, штетници, особено инсекти или механички оштетувања.
Извор: agroklub.rs
