Без разлика дали живеете во нов или стар станбен комплекс, доколку сте корисник на градска канализација, можноста во вашиот дом да се вселат лебарки е подеднакво иста. Од овие инсекти не може да се спасат ниту луѓето кои живеат во куќа, а во обид да се ослободат од нив посегнуваат по различни методи. Дури и ангажирање на фирма за дезинсекција и дератизација понекогаш не е доволна бидејќи треба да се направи во сите станови и ако остане и една лебарка за кратко време ужасот се враќа.
Лебарките се мали инсекти кои живеат на темни и тивки места, тие се инсекти кои своето живелиште го развиваат во затворен простор и сакаат да бидат во близина на електрични уреди, ѓубре и кеси.
Во случај на згради за колективно домување или комплекси за заеднички бизниси тие лесно може да се придвивижат до една просторија во друга преку електричната и водоводната инсталација.
Најчесто можете да ги забележите во: кујната, електричните уреди и местата за отпадоци, на темните и влажни места во вашиот дом. Иако вие не секогаш може да ги забележите тие се движат насекаде во домот, од намирниците во фрижидерот до корпата за отпадоци. При движењето лебарките разнесуваат нечистотија, бактерии кои предзвикуваат труење со храна и дизентерија и воедно лебарките може да пренесат алергени на различни предмети и храни.
Поради нивното брзо размножување, отпорност и специфичен начин на живот лебарките знаат да бидат голем проблем за вашиот дом или бизнис. Се смета дека се отпорни дури и на радијација.
Во обид за спас, луѓето посегнуваат по разни отрови, но понекогаш и не можат секаде да го направат тоа, особено ако имаат мали деца или миленици.
Затоа, можете да се обидете со овој природен начин, или со помош на познатата борна киселина, која има многу лековити својства, за лебарките е отровна и болна и може да се најде во најблиската аптека.
Во сад ставете една жолчка од јајце, помешајте ја со 30-50 грама борна киселина во прав, боракс или ациди борици.
Состојките измешајте ги во густа маса, а потоа направете топчина од околу еден сантиметар. Доколку не можете да ја најдете во прав, тогаш ставете и 100 мл. 3% течна борна киселина и малку брашно па замесете ја смесата и направете топчиња.
Почекајте смесата да се исуши (околу 1 час) и потоа поставете ги топчињата низ домот на видни места, притоа имајте предвид дека тие видни места не треба да бидат видни за вас, туку за лебарките, во скриените агли, во близина на електричните уреди, во ќошевие од домот, и особено во кујната и бањата.
Овие топчиња се безопасни за луѓето и домашните миленици, така што може безбедно да се стават во куќа или стан со мали деца, кучиња и мачки. Борната киселина не е токсична.
Кога лебарката ќе дојде во допир со ова топче таа се разболува, потоа ги заразува и другите лебарки и за кратко време умира. Имајте во предвид дека нема веднаш да се отрови, но за кратко време во вашиот дом единствено што ќе видите се мртви лебарки и само треба да ги исчистите.
Доколку по неколку месеци повторно ги забележите, повторете го овој рецепт. Луѓето кои се обиделе, велат дека е многу успешен.
