Шпанските земјоделци повторно излегоа на улиците на Мадрид со трактори.
Сојузот на синдикати на земјоделци и сточари ги обедини производителите да побараат поголема помош и брзина во имплементација на претходно одобрените мерки кои треба да ја надоместат штетата предизвикана од сушата и зголемувањето на трошоците за производство, пишува Unió de Pagesos.
Во колоната демонстранти учествуваат околу 150 трактори од Кастиља-Ла Манча, Кастиља и Леон, Екстремадура, Валенсија и Каталонија. Почнаа од Пуерта де Алкала, а целта беше да стигнат до седиштето на Министерството за земјоделство, рибарство и храна.
Синдикатот во соопштението за медиумите посочи дека помошта што ја одобри Владата ќе може да покрие само три отсто од загубите. Тие бараат поголема одговорност и одлучност од министерот за земјоделство Луис Планас во решавањето на насобраните проблеми. Во изминатите месеци, Синдикатот одржа собири и протести во различни делови на земјата за да укаже на пропаѓањето на селата и земјоделските производители.
parte de la tractorada convocada por la unión de uniones de agricultores y ganaderos a su paso por la avenida de la constitución de torrejón de ardoz camino de madrid. pic.twitter.com/NX8m5u8UNi
— víctor rodríguez (@v_rodrigarroyo) July 5, 2023Минатата недела Европската комисија објави предлог за нов пакет за поддршка на земјоделството од 330 милиони евра во борбата против сушата плус 100 милиони евра од првата транша од финансирањата поврзани со последиците од војната во Украина. предложени уште во мај.
Според тој предлог, на Шпанија и се доделени најмногу, 81.082.911 милиони евра, но тие средства се уште не се одобрени.
Потсетуваме дека Шпанија е погодена од долготрајна суша. Веќе се проценува дека врнежите ќе бидат за 18,8 отсто помалку од просечната вредност помеѓу 1991 и 2020 година.
Извештајот за сушата укажува на загрижувачка ситуација. Загубите се големи, а нема индикации дека ќе се промени времето. Житарките се загрозени. Во некои области, не може да се започне со жетва. Ситуацијата не е подобра ниту за другите култури.
A Molina de Aragón, a 200 km de Madrid, camí de Guadalajara#MarxaPagesaSequera#TractoradaMadrid#MarchaDeLaSequia
DEMÀ:
11 h 🧑🌾🚜 Porta d'Alcalá
11.30 h 👥 @mapagob pic.twitter.com/pI72cCmgOb
— Unió de Pagesos (@uniopagesos) July 4, 2023Загубите се проценети на 4,805 милиони евра и пречекорување на трошоци за добиточна храна од 7,987 милиони во однос на петгодишниот просек. Во овие износи не се вклучени загубите на овоштарскиот и лозарскиот сектор, кои би можеле да бидат значителни.
Земјоделците протестираат велејќи дека Министерството не ги слуша нивните проблеми и дека е неопходно да се донесат фискални мерки, како што е прилагодување на модулот за данок на доход или нивно ослободување од даноци поврзани со управувањето со водите, вклучително и квоти за наводнување. Нагласуваат и дека државата не одговорила со социјални мерки за земјоделството, како што е ослободувањето од квоти од посебниот режим на самовработени работници во земјоделството за една година.
Предупредуваат дека доколку итно не се решат последиците од сушата, ќе биде загрозен опстанокот на земјоделството и земјоделците.
