Сувата почва тешко се натопува со вода, поради што силен дожд по суша може да доведе до ненадејни поплави. Во едноставен експеримент, д-р Роб Томпсон покажа колку време е потребно почвата да ја апсорбира водата. Тој во градината тестирал три различни тревни површини и времето потребно за да ја апсорбираат водата.
Како што наведе во видео објавено на Јутјуб, на влажната трева и се потребни девет секунди, на малку влажната 52, а на сувата трева се чинело дека ќе и бидат потребни најмалку 15 минути, но како што вели, му „здодеало“ да чека.
Има многу луѓе кои ги прифаќаат резултатите од овој експеримент, но и оние кои го критикуваат. Во периодот на суша, врнежите ја олеснуваат ситуацијата и го враќаат животот во погодените области.
Вегетациската покривка спречува поплави?
Проблемот може да настане поради појава на невреме и обилни врнежи за краток временски период. Сувото земјиште не е во состојба да апсорбира толку голема количина вода, која се влева во реките и каналите. Се испира од површината, а многу малку се апсорбира.
Потребен е благ дожд кој долго паѓа и лесно ја натопува почвата.
Во експериментот е прикажан проблемот на инфилтрација, неможноста водата да влезе во исушениот супстрат. Таа истекува и предизвикува поплави на други места, уништува обработливо земјиште и предизвикува губење на плодноста. Површините кои не се покриени со вегетација или кои се исушиле или изгореле во пожарите се изложени на силни порои.
Погледнете го експериментот на д-р Томпсон:
