Потрошувачите досега најчесто купуваа стандардни, зелени круши, а сега се повеќе се интересираат за црвените плодови кои се достапни во текот на целата година. Од компанијата Staay Food Group, кои одгледуваат црвени круши, велат дека обичната круша е се потешко да се одгледува поради ефектите од екстремните временски услови.
„Причината се и климатските промени и екстремните временски услови, пред се на југот на Европа“, вели Алекс ван Леперен од Staay Food Group. Тој очекува производството на црвени круши од Италија и Шпанија да се пресели на север. Вели дека обичната круша е се потешко да се одгледува поради ефектите од екстремните временски услови, без наводнување и заштита.
Компанијата се фокусира на тоа да им понуди на клиентите круши одгледувани во Холандија и Белгија, а црвената Conference е сорта со потенцијал.
На нејзиниот развој работат од 2018 година и се вложени значителни средства за засадување на комерцијални површини. Сега ги очекуваат првите комерцијални берби. Иако побарувачката за црвени круши расте, тие сè уште немаат доволно површини со овие круши за да ги снабдат големите трговци на мало.
Ван Лепрен истакнува дека овие плодови може да се нудат во текот на целата година и дека имаат план да ги зголемат насадите. Приносот е малку помал од стандардната зелена Conference, но плодовите се повкусни, вели тој.
