Симптомите на сивата мувла (Botrytis cinerea) може да се видат на гроздовите, пред, за време и по цветањето, на ливчиња и бобинките на плодот. Најчесто инфекциите започнуваат кога подолг период се задржува влажно, дождливо и ладно време.
Пред или за време на цветањето, целиот кластер наеднаш станува кафеав, станува „воденест“ и набргу се засушува. При дождливото време, тие се покриени со сива пајажина. Во лето, бобинките или делови од плодот стануваат кафеави и се сушат. Пред бербата, нагло скапуваат, покриени со сива мувла. Бортритисот се развива и се шири многу брзо за време на дождливото време пред берба. Посилниот напад принудува на порана берба.
Посебно внимание треба да се посвети на сортите со збиени гроздови, кои се дополнително почувствителни на нападот на сивата мувла, како што се шардоне, рајнски ризлинг, совињон и други. Се разбира, неопходно е да се следат и контролираат гроздовите молци.
Габата презимува во кората на заразените лози, во лозјето. Раширена е насекаде, бидејќи напаѓа и други растенија. Најважно е да се знае дека во гроздовите се населува веќе за време или по цветањето. Се шири со помош на спори, кои се наоѓаат во сивата пајажина. Може да зарази неоштетени и уште повеќе оштетени бобинки.
Виновата лоза не треба премногу да се нажубрува и да не се одгледува премногу густо. Непотребните ластари и листови треба да се отстранат за да може лозата да добие повеќе воздух, а при врзувањето фиданките да не се притискаат цврсто. Гроздовите да се изложат на сонце со вадење на листовите, а при резидбата исечените лози треба да се извад од плантажата. Треба да се внимава на сортите чувствителни на ботритис и да се изврши заштита на лозата од молци.
Ботритисот се сузбива со специјални фунгициди – ботритициди на база на активни материи фолпет (еден кг/ха), боскалид (0,1 – 0,12 проценти), флуопирам (0,05 проценти).
Потребно е да се направат три прскања, првото веднаш по цветањето, второто пред затворањето на гроздовите, а третото 14 до 21 ден после тоа. Да се води сметка за каренцата.
Некои фунгициди кои се користат против пламеница го намалуваат нападот на сивата мувла, како што се препаратите на база на фолпет (0,2 проценти).
Извор: Аgroklub.com
