Втората фаза од терестрична (земјена) дезинсекција на подрачјето на Град Скопје против возрасни форми на комарци почна да се реализира од синоќа и ќе трае до 15 јуни 2023 година, од 22:00 до 3:00 часот.
Градските власти информираат дека доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истите термини.
Се известуваат пчеларите на време да ги преземат потребните мерки за заштита на пчелите, се наведува во соопштението од Град Скопје.
