Цената на шеќерот во ЕУ во февруари и март 2023 година скокна во просек за 61 отсто во однос на истите месеци минатата година, објави Евростат.
Шеќерот најмногу поскапел во Чешка, каде што неговата цена во март 2023 година била за 98 отсто повисока од март 2022.
Цената на шеќерот драстично порасна и во Естонија, за 97 отсто, како и во Полска – 82 отсто, Германија – 72 отсто и Летонија – 70 отсто.
Помало поскапување на шеќерот е забележан во Унгарија – 17 отсто, потоа Луксембург – 19 отсто, Белгија – 35 отсто, Бугарија – 36 отсто и Ирска – 37 отсто.
