Романската влада неодамна предложи тројно да се зголеми бројот на мечки што ѓе бидат на отстрел секоја година во обид да се контролира популацијата на овој вид, а тоа предизвика гнев кај еколошките организации.
Предлогот е заснован на неодамнешната проценка на романското Министерство за животна средина, според која бројот на мечки во земјата е околу 7.500 до 8.000.
Зголемениот број на напади на мечки врз луѓе го поттикнало Министерството да го претстави овој предлог. Од 2016 до 2021 година, Романија забележала 154 напади на мечки, што резултирало со 14 смртни случаи и 158 повредени, соопшти Министерството.
Со прифаќање на предлогот би можело да бидат убиени дури 426 мечки, наспроти 140 минатата година.
Кафеавата мечка е меѓу 1.200 видови заштитени животни со Директивата на ЕУ.
Романија го забрани ловот на животните за трофеи во 2016 година, но дозволи убивање на стотици мечки по основа на исклучоци.
Еколошките групи го осудија предлогот, нарекувајќи го одобрување на лов за трофеи. Со ова „се ризикува покренување нов случај против Романија поради непочитување на европските директиви кои строго го штитат овој вид“, соопшти Гринпис Романија, нарекувајќи го „циничен предлог за управувањето со популацијата на мечките да се реши со комерцијален лов“.
