По завршување на координираната акција на Кванташкиот пазар која вчера Државниот пазарен инспекторат ја спроведе заедно со Управата за финансиска полиција, директорот на пазарниот инспекторат, Горан Трајковски, на социјалните мрежи сподели дека запленетото овошје и зеленчук ќе биде донирано за училиштата и болниците.
По завршување на координираната акција на Кванташкиот пазар која денес Државниот пазарен инспекторат ја спроведе заедно со Управата за финансиска полиција, Министерство за внатрешни работи и Агенцијата за управување со одземениот имот, одржавме средба со г-дин Дритон Небиу, директор на Агенцијата и заеднички одлучивме запленетата роба од овошје и зеленчук да биде донирана во државните установи каде што е најнеопходна.
Донации од запленетите овошје и зеленчук предадовме за децата од малите групни домови на Ј.У.Д.Д. ,,11 Октомври. -Скопје, Државно училиште за рехабилитација за деца и младинци со оштетен вид ‘’Димитар Влахов ‘’ Скопје, ЈЗУ Универзитетска клиника за физикална терапија и медицинска рехабилитација – Скопје, Здружение за слепи лица – Куманово, Ј.З.У Специјална болница по гинекологија и акушерство „Мајка Тереза“, ЈЗУ Психијатриска болница „Скопје“ – Скопје, Институт за белодробни заболувања кај децата Козле, ЈУ Завод за рехабилитација на деца и младинци – Скопје и во КПУ Идризово.
Трајковски додаде дека истите активности во рамки на регулирањето на ценовната инфлација ќе продолжат и понатаму со уште позасилено темпо и им се заблагодари на институциите за поддршката.
„Се работи за доброто на граѓаните и секое заобиколување на законите ќе се санкционира, затоа што системот мора да функционира во целост со доследно почитување на законските прописи.“, рече Трајковски.
