Европската комисија го даде конечниот одговор за европската граѓанска иницијатива „Да ги спасиме пчелите и земјоделците“ потпишана од 1,1 милион граѓани. Тие ја отфрлија иницијативата со која се бараше намалување од 80 отсто на употребата на синтетички пестициди во ЕУ до 2030 година, а потоа целосна забрана до 2035 година.
Навеле дека половина од земјоделското земјиште во ЕУ веќе е изложено на ризик од дефицит на опрашување, а секој трет вид опрашувач е во опаѓање.
Комисијата ја препозна важноста на иницијативата, но остана верна на своите планови. Тие наведуваат дека презеле чекори за решавање на прашањето поврзано со предложената реформа на регулативата за одржлива употреба на пестициди. Целта е да се намалат за 50 проценти до 2030 година. Тие сметаат дека овој начин е најсоодветна и најбалансирана опција за заштита на животната средина и здравјето на луѓето и избегнување на сериозни последици по достапноста на храната, наведувајќи ги економските трошоци за земјоделците и потрошувачите.
За застапниците, иницијативата сè уште не е завршена и ќе продолжи да ги повикува Европскиот парламент и земјите членки.
„Има се повеќе научни докази за лошата состојба на биолошката разновидност и опасностите од пестицидите по нашето здравје. Не можеме да имаме производство на храна без биодиверзитет“, рече Мартин Дермин од мрежата за акција за пестициди, PAN Europe.
Комитетот за земјоделство на Европскиот парламент AGRI, ќе гласа за контроверзниот план на извршната власт за намалување на употребата на пестициди за 50 отсто во јули, додека комисијата за животна средина ENVI ќе гласа во септември.
Европскиот парламент ќе мора да преговара со министрите на ЕУ27 за да се склучи конечен компромисен договор. Министрите беа обвинети за застој откако побараа дополнителна проценка на влијанието. Се очекува дискусијата за овој проблем да се помести за 2024 година, што значи дека договорот нема да биде склучен пред крајот на мандатот на овој состав на Комисијата во октомври 2024 година. Тоа е временската рамка поддржана од нацрт-приоритетите на белгиското претседателство со Советот на ЕУ за првата половина на 2024 година, што сугерира дека земјата се подготвува за расправа за време на своето претседавање.
