Сајмон Дејл е семеен човек од Велс, западниот дел на Велика Британија. Неговиот интерес за зачувување на животната средина и еколошката свест го навеле да изгради сопствен дом – еден од најубавите и најтоплите станови.
Алатите што ги користел се прилично едноставни. Користел моторна пила со која исекол 30-тина мали стебла, а не настрадало ниту едно старо дрво од шумата. Освен моторната пила, Сајмон користел само алатки за кои освен човечката сила не била потребна дополнителна енергија – лопата, длето и чекан.
„Нашите резерви се намалуваат, а планетата е во еколошка катастрофа. Забавно беше. Се исплати да го живееш животот на свој начин. Ако ги следиме нашите сопствени соништа, ја одржуваме нашата душа жива“, изјави Велшанецот.
Му биле потребни само четири месеци да ја изгради оваа прекрасна куќа која чини 3.000 фунти или околу 3.300 евра. Куќата е изградена од дрво, камен, слама, а има земјен покрив. Куќата ја загреваат со камин, а на покривот се поставени соларни панели. Повеќето од употребените материјали се фрлени предмети и обновени апарати.
Најневеројатно е што за изградба на оваа куќа не биле потребни години пракса и искуство. Сајмон нема искуство. Тој не е архитект. Ниту е инженер, ниту столар. Почнал од нула во секоја смисла.
„Многу е забавно да се биде свој архитект, тоа ви овозможува да создавате и да уживате во она што го сакате – она што е дел од вас и дел од земјата, а не, во најлош случај, кутија од масовно производство дизајнирана за максимален профит и практичност во градежништвото“., вели Сајмон.
Следниот потфат ќе биде садење нови дрвја и градини.
