Минатата недела, Европската Унија вети еден милион евра за Механизмот за финансирање на рибарството, кој е дел од Договорот за субвенции за рибарството на Светската трговска организација постигнат минатата година.
Се наведува дека договорот е голем чекор напред за одржливост, а се забрануваат штетните субвенции за рибарство, кои се клучен фактор за широко распространето исцрпување на светските рибни резерви.
Овој нов механизам за финансирање на рибарството има за цел да го поддржи секторот и да ги елиминира штетните субвенции. Треба, како што е наведено, да обезбеди бесповратни средства за земјите во развој и најмалку развиените земји.
