„Ryse Aero Technologies“ на саемот за технологија и електроника CES во Лас Вегас, го претстави ултралесното возило за полетување и слетување eVTOL наречено „Recon“ пренесува Futurefarming.
Овој мега дрон е дизајниран да го направи летањето достапно за секого, без оглед на нивото на вештина или сертификатот за пилот, велат тие.
Тоа им овозможува на земјоделците со него да прелетаат над нивната земја и да го користат за извидување и инспекција на посевите. Се очекува цената да биде околу 150.000 евра.
Recon го придвижуваат шест електрични мотори, а пропелерите со карбонски ножеви се вртат со 2.000 вртежи во минута. Има шест електрични ротори. Батериите може да се отстранат за полнење и замена.
Полните батерии обезбедуваат лет од околу 25 минути и можат да достигнат брзина од 101 км/ч. Системот за вештачка интелигенција ја одржува машината стабилна кога лебди дури и при ветрови од 40 км/ч. Со цел летот да биде што е можно побезбеден, тој е опремен со ласерски оптички LIDAR за избегнување пречки.
Доволни се 45 минути тренинг
Компанијата тврди дека со само 45 минути тренинг, корисникот може да ја совлада вештината на летање. На фармерите им било дозволено да го тестираат леталото.
Планирано е да се произведат 100 дронови во 2023 година, а веќе 1.000 во 2024 година.
Мега дронот „Recon“ би можел да ги замени помошните возила на големите имоти и фарми. Неговата примена засега е во мониторинг на посевите или пасење на стада.
