Премиерот Димитар Ковачевски и министерот за земјоделство, шумарство и водостопанство, Љупчо Николовски, го посетија тутунопроизводителот Горан Јордановски од прилепското село Мажучиште.
„Заедно со премиерот Димитар Ковачевски денеска сме во Прилеп, во нашиот најтутунарски македонски регион. Го посетивме Горан Јордановски од село Мажучиште, кој заедно со своето семејство цел живот се занимаваат со производство на тутун. Знаеме колку оваа работа е макотрпна и тешка, затоа како Влада ја цениме секоја капка труд на земјоделците.
Оваа година имаме историски највисока откупна цена на тутунот, имаме за 30% поголемо производство и за 7% поголем број на склучени договори споредбено со 2021.
Освен редовните субвенции за тутунарите, оваа година даваме поддршка и во набавка на модерна опрема со финансиски средства од 4,5 милиони денари по корисник.
Со новата мерка од руралната програма доделуваме до 10.000 евра за сопствен бизнис план со кој ќе може да аплицираат без рокови во текот на целата година, и да си го модернизираат производството.
Посакувам успешно да заврши откупот, да гледаме полни ниви тутун, задоволни тутунари и заеднички да остваруваме уште поголеми резултати.“, напиша министерот Николовски на неговиот фејсбук-профил.
