Се ближи крајот на употребата на „Бордовската чорба“ во Европската Унија. „Бордовска чорба“ е фунгицид кој се користи за заштита на различни видови зеленчук, овошје и винова лоза од разни болести.
Хемиската индустрија направила цела серија на готови производи врз основа на „бордовската чорба“, без кои е тешко да се замисли модерното овоштарство и лозарство. Но, како што пренесуваат хрватските медиуми, „бордовската чорба“, како и цела низа бакарни препарати се означени како штетни пестициди, кои заедно со уште педесетина заштитни средства наскоро би можеле да бидат исфрлени од земјоделството, пренесува Агросмарт.
Пред три години бакарните препарати мораше да се заменат со помалку штетни средства, а во 2024 година ќе стигне конечната забрана и потоа веќе нема да може да се користат во лозјата и овошните насади.
„Бордовската чорба“ се користи веќе 136 години, а настанала и е именувана по францускиот град Бордо, најпознат по производството на вино.
