Согласно Програмата за Проширена репродукција и мерката – отстранување на последиците од шумски пожари на површина над 50 ха, во Подружницата Осогово од Крива Паланка е започнато со пошумување на опожарени површини во ШСЕ Пклиште -Длабочица во одделите 61а, б2а и 69а на вкупна површина од 51 ха.
Пошумувањето во кое учествуваат вработените од подружницата, ќе се врши со иглолисни видови од бел и црн бор и со лисјарски видови од багрем и јасен.
Со пошумувањето и санирање на 51ха од опожарената површина, кое е започнато од 11 ноември и ќе трае до 5 декември, ќе бидат засадени вкупно 102 илјади садници, со што се обезбедува трајно одржување и подобрување на заштитата и останатите корисни функции на шумата.
