Струмичкото комунално претпријатие почна со чистење на каналот на реката Тркања во должина од три километри. Со чистењето се овозможува непречено истекување на водата и се спречува поплавување на долниот дел на градот.
Како што информираа од ЈПКД „Комуналец“ каналот се чисти на потегот од Пречистителната станица до спојот со каналот на „Крушевска Република“ и каналот од мостот на улицата „Климент Охридски“.
Оттаму додаваат дека по чистењето ќе се изврши и целосно отстранување на отпадот и песокот од каналот „Крушевска Република“, кој ги прифаќа атмосферските води од повисокиот дел на градот.
