Денеска отворивме дискусија за две важни области, Кластер 4, „Зелена агенда и одржлива поврзаност“ и Кластер 5, „Ресурси, земјоделство и кохезија“, кластери кои имаат многу обемни делови од регулативите на ЕУ и кои бараат финансиска поддршка.
Резултатот од евроинтегративниот процес во областа на земјоделството и руралниот развој ќе биде пристап до пазарот на ЕУ со над 500 милиони потрошувачи, а на македонските земјоделци ќе им овозможи да користат средства од фондовите за земјоделство и рурален развој, да го подобрат квалитетот на производите и со тоа значително да ја зголемат нивната конкурентност на пазарот на ЕУ.
Сите кластери и поглавја се важни и имаат своја посебна тежина, но велам дека овие две се посебно актуелни теми оваа година поради сите нарушувања на светскиот пазар на енергенси, но и кризата со храна, предизвикани од војната во Украина.
фејсбук статус на Бојан Маричиќ
