На покана на министерот за земјоделство, шумарство и водостопанство, Љупчо Николовски, присуствував во Градски парк на настан за промоција на нашите домашни македонски производи, Првиот Национален саем за храна и пијалоци – “Вкуси ја традицијата”, каде 40 здруженија и повеќе од 200 изведувачи ја промовираа македонската вкусна храна и пијалоци.
Секогаш ми е драго ваквите идеи да ги поддржуваме, да го го јакнеме локалното производство и малите производители кои имаат развиено свои брендови, во еден ваков спој на македонски храна, фолклор, традиција и култура. Настанот е во организација на Министерство за земјоделство, шумарство и водостопанство и Слоу Фуд Македонија, под мотото „Taste life, taste tradition“ односно Вкуси го животот, вкуси ја традицијата“.
Верувам дека овој Саем ќе прерасне во традиција и ќе биде наше национално обележје. Продолжуваме со поддршката кон домашните производители, чувајќи ја традицијата наследена од нашите предци.
