Денеска одбележуваме уште еден голем успех кој го постигнавме заеднички со ЕУ и Food and Agriculture Organization of the United Nations (FAO), информираша министерот Љупчо Николовски.
„Реализацијата на проектот „Воведување на Националниот програма за консолидација на земјиштето МАИНЛАНД“, ја позиционира Северна Македонија како лидер во регионот во спроведување на вакви земјишни реформи.
Како Влада ја препознавме потребата од воведувањето на консолидација на земјиштето, се со цел да се реши прекумерната расцепканост на земјоделското земјиште како главен структурен проблем за напредокот на македонското земјоделство. Денес зборуваме за подготвени планови за консолидација на земјоделско земјиште во 9 подрачја:
✅Конче
✅Егри
✅Логоварди
✅Оптичари
✅Трн
✅Дабјани
✅Кожле
✅Соколарци и
✅Спанчево.
4.700 хектари земјоделско земјиште се опфатени во проектот МАИНЛАНД, при што директни корисници се над 6.200 сопственици на земјиште. Од моите теренски посети со сигурност знам дека земјоделците се задоволни од сработеното и со голема доверба го поздравуваат процесот на консолидација.
На мое големо задоволство, во соработка со FAO инвестираме во уште еден, нов проект, чиј фокус е подобрување на националната политика, институционалната и регулаторна рамка за консолидација на земјиштето.
Со финансиска поддршка од ЕУ и ФАО во висина од 1.2 милиони евра, ја продолжуваме успешната приказна на МАИНЛАНД, и обезбедуваме подобра структура на земјиштето, и поголема ефикасност и профитабилност во македонското земјоделство, напиша министерот Љупчо Николовски на неговиот фејсбук-профил.
