Поради климатските промени, најголемите земјоделски и прехранбени компании би можеле да изгубат до една четвртина од нивната вредност до 2030 година, се вели во извештајот на Race to Zero, глобална кампања за справување со климатските промени, поддржана од ОН.
Затоа тие мора да се прилагодат на владините политики и однесувањето на потрошувачите поврзани со климатските промени, наведува Ројтерс.
Истражувањето дава увид во тоа како 40 големи компании, вклучително и земјоделски производители и трговци на храна, би можеле да поминат според сценаријата наречени клучни за намалување на емисиите. Се мисли на можноста владите да наметнат цени на емисиите на јаглерод или ако потрошувачите ја намалат потрошувачката на месо.
Резултатот покажал дека вредноста на овие деловни субјекти ќе падне за седум отсто до 2030 година поради неусвојување нови практики, што значи дека загубата на инвеститорите би била околу 150 милијарди долари.
Во извештајот тие особено ја нагласуваат важноста на претходните повици до инвеститорите и компаниите за елиминирање на уништувањето на шумите поврзани со сточарството, палминото масло и производството на соја.
„Реалноста е сурова. Несигурноста во природата брзо станува составен фактор на инвестицискиот ризик“, рече Питер Харисон, извршен директор на Schroders Plc.
