Мирисната медитеранска грмушка, која изобилува со виолетови цветови, е незаменлива глетка во многу дворови и тераси. Лавандата има скромни барања и напредува на сончеви локации. Не треба да се сади во засенчени и влажни места.
Исклучително е декоративна, а цвета долг период, два пати годишно. Првиот пат на почетокот на летото, а вториот пат на есен. Мирисот на нејзините цветови е интензивен и убав, а го сакаат и опрашувачите. Покрај декоративната улога, се користи и како растителен репелент за разни инсекти, во козметичката индустрија, народната медицина и гастрономијата.
Лавандата може да се одгледува во саксии, жардиниери и на отворено, во градини или подигнати леи. При одгледување во контејнери треба да се внимава на сушењето на почвата поради високите температури. Наводнување треба да се врши кога почвата е сува. Овој растителен вид не сака премногу влага. Ако не го полеваме, нема да цвета обилно.
Треба да бидете внимателни со примената на азотни ѓубрива, а во текот на летото најдобро е да се потхранува со оние кои се богати со калиум.
За грмушката да го задржи сферичниот изглед се препорачува резидба после цветањето. Почетокот на цветањето зависи од температурните услови. Колку е потопло, лавандата порано процветува.
Летното кастрење на цветните гранки го поттикнува развојот на нови израстоци, кои лесно ќе ги препознаете по специфичната боја која се разликува од стариот дел на грмушката на растението.
Цветовите од лаванда се многу ценети. Од нив се подготвува оцет, масло, разни колачи, салати, креми, мелеми и други производи.
Оцет од лаванда
Овој оцет има различни намени. Исклучително е добар како тоник за чистење на лицето наутро и навечер. Претставува природен дезодоранс, а може да се користи и за плакнење на косата, со што ќе се задржи благиот мирис на лаванда.
Својата примена ја наоѓа во одржување на хигиената во куќите и становите. Се користи за чистење мебел или миење подови. Се додава во водата за перење. Избришаните површини го губат мирисот на прашина, а мирисот на лаванда преовладува. Се користи при миење прозорци, за отстранување на маснотии во кујната, миење украси, садови. Чашите стануваат посветли. Во гастрономијата е незаменлив за подготовка на салати.
Потребни ви се 100 цветови од лаванда кои сте ги набрале и сте ги оставиле еден час за да излезат бубачките од нив. Во теглата истурете 1 литар бел вински оцет и натопете ги сувите цветови. Теглата херметички се затвора и се остава на темно место следните три недели. После тоа, процедете ја и добро притиснете ги цветовите. Да се чува во затворено шише на темно место. Добро е повремено да се протресува шишето.
Масло од лаванда
Ќе ви требаат 150 гр свежи цветови од лаванда натопени во 0,5 л маслиново масло. Наместо маслиново масло може да се користи обично сончогледово масло. Стаклената тегла што ќе ја наполните добро затворете ја за да не пропушта воздух. Се чува на сонце еден месец. Неопходно е да се протресува секој ден.
После тоа, маслото се филтрира и се чува во темни, добро затворени шишиња на темно место. Ова масло е исклучително ефикасно за каснувања од комарци, за масажа за смирување и за нега на проблематична кожа.
