Министерството за земјоделство, шумарство и водостопанство ги информираше земјоделците дека рокот за аплицирање за субвенции е продолжен до 30 јуни.
-Интересот кај земјоделците за аплицирање за субвенции е голем, особено кај сточарите кои побараа продолжување на рокот. Министерството секогаш излегува во пресрет на барањата на земјоделците. Измената на Програмата и Уредбата за финансиска поддршка во земјоделството е токму во нивен интерес, за да можат да ги поднесат своите апликации во рамки на новиот рок, 30 јуни – велат од МЗШВ.
На овој начин, според Министерството, ќе им се помогне на сите земјоделци кои не успеале да аплицираат согласно законскиот рок што истече на 31 мај.
-Тие ќе добијат дополнително време од плус еден месец, период во кој ќе можат да ги подготват апликациите и навремено да аплицираат за да ја добијат финансиската поддршка која им ја дава државата – наведува МЗШВ.
