Бројот на грла добиток во Европската Унија во декември 2021 година изнесувал 142 милиони свињи, 76 милиони говеда, 60 милиони овци и 11 милиони кози.
Според Заводот за статистика на ЕУ (Eurostat), најмногу добиток се одгледува само во неколку земји членки, а најмногу грла имаат Шпанија, Франција и Германија.
Шпанија има 24% свињи, 9% говеда, 25% овци и 23% кози во ЕУ.
Следува Франција со 9% свињи, 23% говеда, 12% овци и 12% кози.
На трето место е Германија со 17% свињи и 15% говеда,
3% овци и 1% кози.
Собраните податоци покажале дека некои членки се специјализирани кога станува збор за сточарското производство. Така, Данска има 9 проценти од популацијата на свињи, а потоа следи Холандија со 8 проценти.
Ирска е специјализирана за говедарство и има 9% од популацијата на говеда. Во Романија традиционално многу внимание се посветува на овчарството и17 % е од популацијата на овци, а Грција 25% кози.
Кога станува збор за бројот на четирите главни видови, промени има во периодот од 2010 до 2021 година.
Популацијата на свињи во Европската Унија достигна речиси 146 милиони во 2020 година, а потоа нивниот број падна. Сепак, во 2021 година тој број беше за два отсто поголем од 2010 година.
Во 2016 година бројот на говеда изнесуваше речиси 80 милиони, што е зголемување за два отсто во однос на 2010 година, а потоа се намали во следните три години. Во 2021 година имало околу три отсто помалку говеда отколку во 2010 година.
Вообичаено е популацијата на овци и кози да продолжи со трендот на опаѓање во периодот 2010-2021 година. Бројот на овците е намален за 10 отсто, а на козите за 13 отсто во набљудуваниот период.
