Се прават анализи кои антикризни мерки ќе продолжат по 31 мај

Премиерот Димитар Ковачевски денеска соопшти дека ресорните министерства интензивно прават анализи кои антикризни мерки да продолжат и по 31 мај. Некои од предлозите на експертите, рече, се прифатливи, а други, не само што не се прифатливи, туку се и неодржливи. Ковачевски е убеден дека сите мерки донесени досега обезбедија најниски цени на енергенсите и на прехранбените производи во однос на регионот, како и дека обезбедија заштита на животниот стандард на најранливите категории граѓани, пензионерите и работниците со минимална плата.