Шарените лалиња со нежен и елегантен изглед отсекогаш биле синоним за пролет и се одлична декорација која се вклопува во речиси секој ентериер.
Додека црвените лалиња симболизираат љубов, а жолтата симболизира пријателство, виолетовите лалиња се симбол на верност, белите симбол на простување, а розевите симбол на невиност и чистота.
Бидејќи лалињата се нежни и лесно венеат, со овие пет совети ќе останат свежи и убави во вашата вазна со денови.
„Затворените“ лалиња, сигурни ќе траат подолго, а доколку сакате да ги чувате затворени што подолго, ставете неколку коцки мраз во вазната со вода.
Доволно вода
Лалињата се жедни цвеќиња и важно е да се снабдени со доволно вода за да издржат што подолго. Додадете ладна вода во вазната и наполнете ја до 3/4. Водата менувајте ја барем секој втор ден бидејќи може да стане малку лигава и да се наполни со бактерии, па редовните промени на водата ќе ги одржат здрави и ќе им го продолжат животот на цветовите. Исто така, ако вазната изгледа малку валкана кога ќе истече водата, задолжително измијте ја пред да ја замените водата.
Сечење на лалињата
Пред да ги ставите лалињата во вазна, ставете ги стеблата од надворешната страна на вазната за да може да одредите колку треба да бидат високи. Исечете ги стеблата на тоа место под агол од 45 степени со остар нож. Кога ја менувате водата секој втор ден, можете дополнително да ги исечете стеблата. Сечењето под агол од 45 степени овозможува цветот полесно да ја апсорбира свежата вода. Исто така, отстранете ги сите лисја што се под линијата на вода, бидејќи листовите кои се под нивото на водата имаат тенденција да се распаѓаат прилично брзо.
Сместување и осветлување
Грижата за лалињата значи да знаете каде да ги ставите за да издржат што подолго во вазна. Затоа избегнувајте да ставате вазна со лалиња директно на сонце или во близина на топлина. Лалињата ќе растат кон сончевата светлина и може малку да се свиткаат. Тие можат да напредуваат на индиректна сончева светлина, а најдобро е да ги ставите на место каде што нема провев, а не до грејни тела, радијатори, клима уреди, прозорци или шпорети.
Избор на вазна
Кога избирате вазна за вашите лалиња, изберете висока. Земете вазна која е барем половина од висината на стебленцето на цветот. Внимавајте добро да ја измиете вазната пред употреба за да ги отстраните бактериите пред да ги ставите лалињата во неа. Чистата вазна е многу важна за лалињата да траат подолго.
