Вашите растенија со оваа органска прихрана никогаш нема да овенат. Достапна е за секого, а многу лесно се прави.
Како што бананите се здрави за нашето тело, така нивната кора е многу поволна за растенијата. Кората од бананата содржи калиум, калциум и фосфор, кои се многу важни за развојот и растот на вашите растенија.
Фосфорот ги прави цветовите на растението поубави, калиумот помага да се развиваат што е можно подобро, а калциумот ги зајакнува.
Од корите од банана можете да направите органска прихрана на три начини.
- Сецкање на кората
Исечете ја кората на што е можно помалку парчиња и закопајте ги во земјата покрај растението. Како што кората полека се распаѓа, почвата ќе се збогатува со минерали неопходни за раст на растенијата.
- Вода за наводнување
Во шише со вода ставете парчиња кора од банана и затворете го. Една поголема банана или две помали се доволни за еден литар вода. Вака подготвениот прелив оставете го два до три дена на собна температура и одвреме-навреме протресете го шишето. Потоа процедете ја водата и наводнете ги растенијата.
Водата која ќе добие кафеаво-црна боја е полна со минерали и со неа наводнувајте ги растенијата еднаш неделно. Исто така, ќе биде уште похранливо ако додадете лушпа од јајце, бидејќи содржи магнезиум, натриум и околу 5% органска материја, што е од големо значење за квалитетот на почвата.
- Банана шејк
Излупете го и исцедете го сокот. Потоа измелете ги во блендер со малку вода, за да добиете смеса што наликува на шејк. Истурете го шејкот во земја, без разлика дали е домашно или полско растение.
