За еден сантиметар е намален водостојот на Дојранското Езеро во споредба со вчера, додека нивоата на другите две природни езера се исти како вчера.
Со тоа, според последните мерења направени од Управата за хидрометеоролошки работи (УХМР), водостојот на Дојранското Езеро е за 2,84 метри повисок од просекот за март, додека нивоата на Охридското и Преспанското Езеро се пониски од просечните. При тоа, водостојот на Преспанското Езеро е за 1,71 метри понизок од повеќегодишниот просек за март и е на два сантиметри над апсолутниот минимум од 842,25 (мнм). Нивото, пак, на Охридското Езеро е пониско за девет сантиметри од просечното.
Пониски од просечните се и водостоите на повеќето реки во земјава. Исклучок е реката Бабуна на мерното место кај Богомила каде што нивото е за еден сантиметар повисоко од просекот за овој период од годината.
