Учениците од ОУ „Кирил и Методиј“ од Стојаково, во рамки на проектот „Зелен полигон за едукација“ добија градина во која ќе се едуцираат со основите на земјоделието и градинарството.
Всушност, оваа градина претставува футуристичка училница преку која ќе продолжи традицијата за градинарење преку запазување на автохтони семиња, набљудување на нивното ртење, подигање на свеста за здрава исхрана и за меѓусебна соработка во интерес на развој и продолжување на раноградинарско производство во регионот.
– Бидејќи работата во училишната градина бара заедничка работа и сплотеност меѓу децата преку подршка и комуникација, нивната основна цел ќе се постигне со подигање на еколошката свест и нивно насочување кон органско производство на храна,велат задолжените за имплементирање на проектот од организаторот „Слоу Фуд“ чии активности се спроведуваат со подршка на Министерството за животна средина и просторно планирање.
