Употребата на коприва како додаток во исхраната влијае на тежината на живината, и на подобар принос на јајца, но од друга страна тоа е тешко применливо на големи фарми.
Позитивните ефекти на копривата врз човековиот организам се познати одамна, но сепак копривата практично слабо се користи во исхраната. Копривата е богата со витамини (А, Б, Ц, Д и витамин К) и минерали (хром, фосфор, калиум, магнезиум, цинк…), протеини и често се препорачува како додаток во исхраната кај живината.
Без разлика дали се занимавате со одгледување живина или планирате да почнете, важно е да знаете дека постојаната употреба на различни концентрати во исхраната нема да донесе големи придобивки за овие животни.
Како и на човекот, така и на живината ѝ е потребна урамнотежена исхрана, па покрај концентратите, неопходно е да се додадат и бројни хранливи материи, поточно растенија, вклучително и копривата.
Копривата содржи протеини и омега 6 полунезаситени масни киселини кои го зајакнуваат имунитетот на живината, пишува Агроинформ.
Како да ги подгответе копривите за исхрана на живината?
Според руските стручњаци, за употреба на копривата во исхраната, потребно е да се соберат листовите и врвовите на растението бидејќи не е потребно стеблото и правилно да се обработат (по берењето се ставаат во сад, се преливаат со врела вода и се варат 15 минути), потоа се додава концентрат или зрна, бидејќи кокошките не сакаат да јадат свежи растенија.
Се покажало дека употребата на коприва како додаток во исхраната влијае на тежината на живината, а исто така влијае и на подобар принос на јајцата, но од друга страна тоа тешко се применува на големите фарми.
Во исхраната на живината покрај коприва може да се користи и лук, камилица, брокула.
