Ако сакате да одгледувате млади компири во чии вкусни клубени ќе уживате во текот на летото, сега е време да ги засеете. Младите компири се лесни за производство, а еве што треба да знаете за нивното сеење.
Кога се сее младиот компир?
Младите компири обично се сеат како клубени. Клубените се познати и како семенски компир и може да се сеат од рана пролет. Од клучно значење е да се уверите дека ризикот од мраз поминал пред да го засадите компирот, бидејќи тоа може да го загрози вашиот род.
Можете да сеете млади компири помеѓу март и април, иако тоа може да варира во зависност од температурата.
Како се сади младиот компир?
Пред садење на компирот, подгответе ја вашата градина и поставете ги оптималните услови за одгледување со додавање квалитетен компост во почвата. Можете исто така да додадете специјално ѓубриво за компири во почвата за да го поттикнете коренот.
Ископајте дупка длабока околу осум сантиметри каде што сакате да ги засадите компирите. Земете го семенскиот компир и исечете го на парчиња, внимавајќи секое парче да има најмалку два никулци. Ставете ги парчињата компири на растојание од околу 30 сантиметри, со ластарите свртени нагоре и покријте ги со слој земја – можеби сѐ уште се под нивото на земјата, но тоа е во ред.
Како што ќе растат ластарите на компирот, ќе додадете слоеви почва за да ги покриете ластарите, затоа не закопувајте ги компирите премногу длабоко во оваа фаза.
Кога се вади младиот компир?
Генерално, младиот компир е подготвен за берба околу 100 дена по сеидбата. Можете да забележите дали вашите компири се подготвени за берба кога ќе се отворат цветовите.
Тоа е обично во јуни или јули, за оние кои се засадени во март.
Корисни чекори за постигнување успешен род на компир:
-Исечете го компирот 6 до 10 дена пред саканиот датум на садење; проверете дали секој семенски компир содржи најмалку 1 никулец (мали израстоци)
-Чувајте го сеченото семе од компир на ладно, темно место со добар проток на воздух.
-Погрижете се почвата да е растресита, компирите не сакаат тврда почва.
-Приближно 60 дена по садењето, ќе почнат да се формираат клубени (незрели компири). Ако јуни е топол, одржувајте ја почвата влажна. Влажната почва ќе помогне во развојот клубените да останат ладни
Најголем непријател на младиот компир – компирова златица
Компировата златица е дефинитивно еден од најголемите штетници на компирот. Во борбата против неа има голем број препарати, како на хемиска така и на природна основа.
Покрај компировата златица, компирот го напаѓа и:
Пламеница
Црни дамкавост на компирот
Вирус на виткање на листовите
Вирус на мозаик
Заштитни мерки
употреба на здрави семиња и саден материјал
плодоред
одгледување на отпорни сорти
примена на фунгициди
отстранување на заразените растенија
Извор: agromedia.rs
