Германскиот фармер Томас Фоинг од Боркен во Минстерланд на своето поле изорал знак мир и над него напишал „Не за војната“. Со ова тој на социјалните мрежи за започна кампањата под хаштагот #peacefarming, која промовира солидарност со Украина и испраќа порака за мир.
Набрзо му се придружија и други фармери од покраината Северна Рајна-Вестфалија и ги повикаа своите колеги земјоделци и тие да направат нешто, да фотографираат и да ги објават под хаштагот #peacefarming на Твитер и Фејсбук.
Украинските земјоделци, за жал, не можат да пристапат до нивните ниви за да сеат пролетна пченица, јачмен, а најверојатно ниту пченка, соја и сончоглед.
Главното одгледување на пченица во Украина е на плодно земјиште долж брегот на Црното Море, а овој регион моментално е окупиран.
Кога станува збор за пченката, сончогледот и сојата, најмногу ќе страдаат земјоделците на северот од земјава.
