Под влијание на циклонска активност и на влажен и студен воздушен бран, денес ќе има повремени врнежи од дожд, а на планините и на повисоките места од снег. Врнежите ќе бидат пообилни во јужните делови каде се очекува локално да наврнат околу 15 л/м2 воден талог. Ќе дува засилен северен ветер, кој на места ќе достигнува над 60км/ч. Ветровито ќе биде и преку ноќта кога врнежите ќе завршуваат повлекувајќи се кон југ и исток.
Врнежите што денеска ја зафатија земјава со помал интензитет ќе продолжат и преку ноќта, кога ќе завршуваат повлекувајќи се кон југ и исток.
До четврток ќе дува засилен северен ветер, повремено со над 60 километри на час, најавуваат од Управата за хидрометеоролошки работи.
Утринските температури ќе бидат се пониски, а најстудено ќе е в петок наутро. Нови врнежи се очекува да започнат во текот на викендот кога ќе дува јужен ветер.
