Поп-дивата Бијонсе се одлучи за нови деловни потфати и така неодамна откри дека одгледува пчели и има своја фарма за коноп.
Во медот таа ги открила лековитите својства кои имаат корист за неа и за нејзините ќерки во борбата против алергиите.
-Во медот најдов лековити својства кои ми користат мене и на моите деца. А сега градам фарма за коноп и мед. Имам дури и кошници со пчели на покривот! – откри 40-годишната Бијонсе во интервју за Harper’s Bazaar.
Во моментов има околу 80.000 пчели и две кошници. Годишно прави стотици тегли мед.
„Имам два пчеларника. Вистинските. Ги имам дома веќе некое време. Имам околу 80.000 пчели и правиме стотици тегли мед годишно. Започнав со производство на мед бидејќи моите ќерки Блу и Руми и двете имаат страшни алергии, а медот има безброј лековити својства.“, изјави Бијонсе за Vogue.
Карантинот за време на пандемијата, исто така, го поттикнал нејзиниот интерес за одгледување коноп и производство на масло.
„Го открив маслото на мојата последна турнеја и ги доживеав неговите лековити својства против болка и воспаление“, додаде таа.
Поп дивата не открива на кој точно од многуте имоти што ги поседува се наоѓа нејзината фарма со коноп.
