Огромен предизвик за земјоделските производители во Германија ќе биде зголемувањето на возраста на телињата за транспорт. Значи, од 1 јануари 2023 година ќе се помести од 14 на 28 дена.
Повеќето прашања се за тоа со какви дополнителни финансиски и деловни последици ќе се соочат сточарите.
Измените во законските прописи за одгледување, усогласување на благосостојбата на животните и нивната заштита, барањата кон фармите, компаниите и организацијата на работата, се темите за кои се разговара деновиве во Германија.
Нови трошоци за сточарите
Сточарите во иднина ќе мора да имаат нови инвестиции, а со тоа и поголеми трошоци, за да обезбедат дополнителни места за телињата. Тоа ќе значи зголемена побарувачка за работна сила, зголемени трошоци за сместување, храна, дополнителни додатоци и ветеринарен надзор, наведува Агрархеуте.
Стопанската комора на Долна Саксонија пресметала дека за тие 14 дена чување дополнителните трошоци може да изнесуваат од 50 до 70 евра по теле. За некои фарми тоа ќе значи зголемување на капацитетот за складирање, слама и ѓубриво. Ќе бидат потребни дополнителни замени за млеко, друга храна, вода и енергија.
Ќе треба да се посвети големо внимание на договорот меѓу одгледувачите и трговците поради спроведување на неопходните одгледувачки активности како што се вакцинација, отстранување на роговите од грлата наменети за гоење и друго.
Посебен проблем ќе биде како да се обезбеди дополнителен простор за телињата постари од 14 дена, бидејќи сега не се дозволени боксови со димензии 1,20 x 0,80 м. Се поставува прашање дали телињата ќе се чуваат надвор од боксовите во групи.
Што е дозволено во транспортот и што нѐ чека во иднина?
Треба да се напомене дека во Германија важи забраната за превоз на телиња до 28 дена старост, а исклучок е направен за сточарите за да можат да ги превезуваат оние од сопственото одгледување во радиус од 50 километри. Тоа важи и кога станува збор за животни за гоење од фарма во сопственост на сточари.
Комисијата на ЕУ има намера до крајот на 2023 година, врз основа на Европската граѓанска иницијатива „Крај на добата на кафезите“ да претстави нацрт-уредба со која се забранува поединечно сместување на телиња.
Оваа уредба најверојатно ќе стапи на сила во 2027 година, но некои прашања се уште не се нерешени. Како прво, се работи за нерамномерни правила во земјите членки на Европската Унија. Прашањето кој ќе ги финансира дополнителните трошоци за инвестирање во производството не е решено. Дали тоа ќе бидат самите сточари или пазарот? Ваквите промени може дополнително да влијаат на состојбата на пазарот во овој сектор.
