Министерот за земјоделство, шумарство и водостопанство Љупчо Николовски денеска присуствува на отворање на специјализиран саемско-конференциски настан посветен на овоштарството, лозарството и градинарството „Агро Белград 2022″.
На саемот има македонски штанд, финансиски поддржан од Министерството за земјоделство, шумарство и водостопнатсво.
„Македонскиот штанд на саемот „Агро Белград 2022“ во Белград, со нашите традиционални земјоделско-прехранбени производи го привлече вниманието на посетителите.
Учествуваат повеќе реномирани македонски компании кои финансиски се поддржани од Министерство за земјоделство, шумарство и водостопанство на Република Северна Македонија.
Овој специјализиран саем посветен на овоштарството, лозарството и градинарството е добра можност земјите учеснички, вклучително и македонските компании, да ги претстават на автентичен начин своите производи на пошироката јавност и да направат нови контакти за зголемување на извозот и освојување на нови пазари.
МЗШВ ќе ја продолжи поддршката за саемеските манифестации преку програмите на министерството, што е важно за промоција и зголемен извоз на македонските земјоделско-прехранбени производи“, напиша министерот Николовски на својот фејсбук-профил.
