Птичјиот грип продолжува да се шири во Европа, со околу 950 заразени фарми и покрај масовното усмртување на живината во обид да се запре епидемијата, наведува француската платформа за епидемиолошки надзор на здравјето на животните.
Според таа платформа, до 23 јануари биле регистрирани 849 заразени живинарски фарми во 32 европски земји. Вкупниот број на заразени фарми е 959, а според најновите податоци во Франција 280 фарми се заразени со птичји грип.
Италија е земја со најголем број заразени фарми 307, а од октомври во таа земја се усмртени 18 милиони живина.
Во Франција, каде што беше откриен првиот случај на инфекција во ноември, усмртени се 2,5 милиони живина.
Трета земја по број на заразена живина е Унгарија, каде што има 112 заразени фарми.
Има 78 заразени фарми во Полска, 56 во Велика Британија, 53 во Германија, 14 во Чешка и 12 во Холандија.
