Голем проблем во производството на компир е појавата на пламеница, која освен што го намалува приносот, може и целосно да го уништи. Одгледувачите постојано се трудат да го заштитат својот род, а времето понекогаш не им оди во прилог.
Денес на пазарот можеме да најдеме голем број различни сорти, но има малку информации за нивната отпорност. Обичаено наоѓаме податоци за големината на клубените, приносот по хектар, но податоците за отпорноста на пламеница за одгледувачите остануваат недостапни.
Научниците се обиделе да пронајдат сорта на компир отпорен на пламеница.
Особено интересно за органските производители
Иако новата сорта нема да биде гаранција дека болеста нема да се појави, сепак разликите се големи, покажа една холандска студија, според nieuweoogst.
Отпорните сорти на компир не значат дека родот ќе биде без зарази, туку тие обезбедуваат одложена појава на заразата и помало влијание на болеста врз родот. Сеидбата на оваа сорта компири е особено интересна за органските производители кои немаат можност за примена на синтетички фунгициди откако болеста ќе се појави во насадот.
Затоа во светот е ставен голем фокус токму на органските производители и се предвидува дека во Обединетото Кралство во рок од пет години 100 отсто од нив ќе преминат на одгледување на оваа сорта на компир.
Ширењето на пламеницата и сами можете да го намалите
Треба да се напомене дека симптомите на болеста се најзабележливи во моментот на затворање на редовите. Кај осетливите сорти се забележуваат порано, а текот на развојот е побрз, особено во годините погодни за нејзин развој, односно кога има доволно топлина и влага.
Нашето однесување игра голема улога во борбата против ширењето на најчестата болест на компирите. За сеидба потребно е да се купат декларирани компири. Клубените што пропаѓаат во нашите магацини и остатоците од лупењето никогаш не треба да се фрлаат во близина на парцелата или градината каде што планираме да сееме следната сезона.
Новите посеви не ги садете на минатогодишното место каде што имало компир или на парцели каде што се одгледувале домати или модри патлиџани, пренесува Agroklub.
